YEY! Book launch experience (source of katsismisan at kabalastugan)

THE EROS ATALIA WRITING WORKSHOP EXPERIENCE (sabi ni JC Pacala haha.)

Perys taym kong maka-punta sa book launch, sa Solidaridad Bookshop sa may Padre Faura, Ermita. Sa may bandang ‘likod ng Rob Ermita’ (like, di nga, may likod ba ang Rob Ermita? San banda? Haha! Ang dami tuloy naming naligaw at na-late.)

Pero di ko akalain na gagawin ko ang mga ito, kasama ng anim kong kasamahan sa writing workshop. Isa-isahin natin! (Si JC, Ryan, Chenley, Gianne, Peach at Karen)

=  1.) Sabi ng mentor namin (si sir Eros Atalia), ‘eat and run’ kami. Medyo totoo nga naman. Kumuha kami ng pichi-pichi, palabok, at nung masarap na cake na di namin malaman kung gawa ba sa pili o pinya. Tumungga ng coke na puno ng yelo at tinitigan/pinagnasaan ang mga imported bottle ng vodka at tequila na naka-display.

   2.) Nasa isang maliit na kuwarto lang kami kasama ang mga National Artists na sina F. Sionil Jose at Bienvenido Lumbera at ang bigating si Jun Cruz Reyes. Umuwi kami ng walang picture ng kahit isa sa kanila.

  3.) Sa tatlong authors na nag-book launch, hindi man lang ako bumili ni isang ibro nila. HAHAHA, shucks. Heto pa, naging prof ko pa ang isa run. AT, isang malaking at! Maaring maging prof ko siya this year sa art app. Anakng, sigurado akong mamumukhaan niya ako. Uh-oh, patay na.

   4.)  Gumawa ng sarili naming circle ng mga kasamahan ko, habang inaalaska ang ibang mga tao na maaring naririnig ang pinag-uusapan namin dahil nasa likod lang namin sila habang nangingingain ng masarap at libreng pagkain dahil hindi namin alam ang gagawin.

    5.) Tumamabay sa bookstore sa 1^st floor ng mga 30 minutes. Lakas ng tawanan namin habang nanga-alaska ulit. Pabuklat-buklat lang ng mga libro habang nakabantay sa amin ang tatlong bookstore staff. Nag-picturan din kami na bookshelf ang background, pang-cover photo kamo, kahit di namin alam kung pwede ba o bawal ang magpicture.

   6.) Makitawa habang naga-alaskahan ang mga authors tungkol sa censorhip at eroticism at naturalism. Grabe, benta ‘to eh, kulang na lang pumapalakpak kami at magsabi ng “burneeeeed” :)))

Pero di nga, masaya makapunta ng book launch! Kay raming taong makikita, iba’t-ibang ugali ng mga writers, big time man o mga katulad naming nakiki-ngiti at saling pusa lang.  Naks! Simula ngayon mag-aabang na ako ng mga book launch, tas aayain ko ‘yun mga new-found friends ko sa workshop. Sisiguraduhin naming gutom kami pagpunta run para sulit sa amin ang pagkain. ATTT! Pagkatapos, tatambay ulit kami sa Mcdo ng ilang oras, mainly para magtsismisan at magkuwentuhan ng kung anong kabalbalan at kabastusan. *AAAAAAHEEEEM-AHEEEEM, AHEEEEEMMM! Haha!